Qanunsuz ovla bağlı cəzalar verilib
Ekologiya və Təbii Sərvətlər Nazirliyinin əməkdaşları 2017-ci ilin 7 ayı ərzində keçirilən reydlər zamanı qanunsuz ovla məşğul olan 73 nəfəri saxlayıb. Rəsmi məlumatda bildirilir ki, saxlananlardan 66 ov tüfəngi, 172 patron, 18 ədəd quş və 4 baş heyvan götürülüb.
Qanun pozucuları barəsində protokollar tərtib edilib, 64 nəfərə 62 min 600 manat məbləğində inzibati cərimə və iddia tətbiq olunub.
Bir neçə istirahət mərkəzində isə müxtəlif növ quşların və heyvanların qanunsuz olaraq təbiətdən götürüldüyü və saxlandığı aşkar edilib. Hər bir qanun pozucusu inzibati qaydada 500 manat cərimə olunub, vəhşi quş və heyvanlar Altıağac Milli Parkının nəzdində fəaliyyət göstərən Vəhşi Təbiətin Bərpası və Reabilitasiyası Mərkəzinə təhvil verilib.
