Qaldı 80 komanda
UEFA Çempionlar Liqası və Avropa Liqasında ələmə raundları arxada qaldı. Novator.az-ın məlumatına görə, qrup mərhələləri ərəfəsində 55 UEFA üzvündən 23-nün bütün klubları ələnib. 14 UEFA üzvü qruplara 1 komanda ilə adlaya bilib. Yalnız 3 ölkə – İspaniya, İngiltərə, İtaliya itkisiz irəliləyir.
2017-2018 mövsümündə UEFA-nın klub turnirlərinə 236 komanda buraxılıb. Ələmə raundlarında onların 156-sı mövsümlə vidalaşıb. Mübarizəni 32 UEFA üzvünün 80 komandası davam etdirir. 32 komanda Çempionlar Liqasında, 48 komanda Avropa Liqasında yer alır.
Rusiyanın 4, Ukrayna və Türkiyənin 3, Azərbaycan, Belarus, Qazaxıstan və Moldovanın 1 təmsilçisi klub turnirlərində qalır.
