6 ayda Azərbaycanın xarici borcu nə qədər artıb?
Maliyyə Nazirliyi Azərbaycanın 1 iyul 2017-ci ilə olan xarici dövlət borcunu açıqlayıb. Hesabata görə, xarici dövlət borcu 7 milyard 172,6 milyon ABŞ dolları, borcun ümumi daxili məhsula (ÜDM) nisbəti 18,9 faiz təşkil edib.
Hökumətin birbaşa öhdəlikləri və dövlət zəmanəti ilə cəlb olunmuş kreditlər üzrə şərti öhdəliklərin daxil edildiyi borc əsasən beynəlxalq maliyyə institutlarının kredit proqramlarını və infrastruktur layihələrini, həmçinin beynəlxalq maliyyə bazarlarında yerləşdirilmiş qiymətli kağızları əhatə edir.
Novator.az bildirir ki, 1 yanvar 2017-ci ilə olan xarici dövlət borcu 6 milyard 913,2 milyon ABŞ dolları, borcun ÜDM-ə nisbəti 20,4 faiz idi. 6 ayda dövlət borcu 259,4 milyon dollar artıb.
