ABŞ Minsk qrupuna yeni həmsədr təyin etdi
ABŞ ATƏT-in Minsk qrupuna yeni həmsədr təyin edib. Novator.az-ın məlumatına görə, bu post Endrü Skoferə verilib.
Avqustun 28-də ABŞ-dan müvəqqəti həmsədr Riçard Hoqlandın səlahiyyət müddəti başa çatır. Endrü Skoferi təyinatını şərh edən Riçard Hoqland deyib ki, o, yüksək səviyyəli diplomatdır, son vaxtlar ABŞ-ın beynəlxalq təşkilatlardakı missiyasında müvəqqəti işlər vəkili olub.
Endrü Skoferin Kipr münaqişəsi və digər münaqişələrin həlli üzrə diplomatik fəaliyyət göstərdiyi bildirilir.
Minsk qrupunda digər həmsədrlər Fransadan Stefan Viskonti, Rusiyadan İqor Popovdur.
1992-ci ildə Dağlıq Qarabağ münaqişəsinin dinc yolla tənzimləməsi üçün yaradılan Minsk qrupunun 11 üzvü var: Rusiya, Fransa, ABŞ, Belarus, Almaniya, İtaliya, İsveç, Finlandiya, Türkiyə, Ermənistan, Azərbaycan. 1994-cü ildə həmsədrlik institutu yaradılıb.
