Almanların seçki nəbzi
Almaniyanın “Forsa” Sosial Tədqiqat İnstitutu qarşıdan gələn parlament seçkisi ilə bağlı sorğu keçirib. 630 nəfərlik Bundestaqın yeni tərkibi sentyabrın 24-də seçiləcək.
Novator.az-ın məlumatına görə, sorğunun avqustun 23-də açıqlanan nəticələri kansler Angela Merkelin başçılıq etdiyi, Xristian Demokrat və Xristian Sosial ittifaqlarından ibarət alyansın Bundestaqda hamıdan çox yer götürəcəyini göstərib. Respondentlərin 38%-i hakim alyansa dəstək verib.
Martin Şultsun rəhbərlik etdiyi Sosial Demokrat Partiyası 24%-lə ikinci yerdə gəlir.
Sonrakı yerlərdə Sol və Almaniya Üçün Alternativ partiyaları (hər ikisi 9%), Azad Demokratlar Partiyası (8%), Yaşıllar Partiyası (7%) durur.
Sorğu avqustun 14-dən 18-nə qədər 18 yaşdan yuxarı 2501 seçici arasında aparılıb.
2005-ci ildən Almaniya hökumətinə rəhbərlik edən Angela Merkelin Xristian Demokrat İttifaqı indi Bundestaqda 253 yerə sahibdir. Onun hökumət ortaqları olan Xristian Sosial İttifaqının 56, sosial demokratların 193 mandatı var.
Səidə Hüseynova
