“Qarabağ”ın növbəti mümkün rəqibləri
UEFA Çempionlar Liqasında mübarizə aparan Azərbaycan təmsilçisi “Qarabağ” avqustun 23-ü Danimarka paytaxtında “Kopenhagen” komandası ilə görüşür. Dördüncü mərhələnin Bakıda keçirilmiş ilk matçında “Qarabağ” üstün gəlib – 1:0.
Novator.az bildirir ki, qrup mərhələsinə keçəcəyi halda “Qarabağ” dördüncü – sonuncu səbətdə yer alacaq və püşk ona yuxarı səbətlərdən üç komandanı rəqib edəcək.
Birinci səbətdə İspaniyanın “Real”, Almaniyanın “Bavariya”, İngiltərənin “Çelsi”, İtaliyanın “Yuventus”, Portuqaliyanın “Benfika”, Fransanın “Monako”, Rusiyanın “Spartak” (Moskva), Ukraynanın “Şaxtyor” komandaları yer alır.
İkinci səbətə İspaniyanın “Barselona”, “Atletiko”, Fransanın PSJ, Almaniyanın “Borussiya” (Dortmund), İngiltərənin “Mançester Siti”, “Mançester Yunayted”, Portuqaliyanın “Portu” komandaları salınıb.
Üçüncü səbətdə Belçikadan “Anderlext”, İsveçrədən “Bazel”, İngiltərədən “Tottenhem”, İtaliyadan “Roma”, Türkiyədən “Beşiktaş” var.
Qrupa vəsiqə alacaqları halda İspaniyanın “Sevilya” komandası ikinci səbətə, İngiltərənin “Liverpul”, İtaliyanın “Napoli”, Yunanıstanın “Olimpiakos” komandaları üçüncü səbətə yerləşdiriləcək.
