Azərbaycanın 7 aylıq idxal göstəriciləri
Novator.az Azərbaycanın 7 aylıq idxal göstəricilərinə nəzər salıb. Dövlət Gömrük Komitəsinin rəsmi hesabatına görə, 2017-ci ilin yanvar-iyul aylarında idxal ötən ilin müvafiq dövrünə nisbətən 8,17 faiz azalaraq 4 milyard 369,7 milyon ABŞ dolları olub.
MDB ölkələrindən idxal ötən ilin 7 ayı ilə müqayisədə 3,3% artıb. Türkmənistandan idxalda 159,45%, Özbəkistandan idxalda 127,3%, Moldovadan idxalda 54,55%, Belarusdan idxalda 51,29%, Ukraynadan idxalda 34,15% artım var.
Qazaxıstan, Qırğızıstan, Rusiya və Tacikistandan idxalda isə azalma qeydə alınıb.
Avropa İttifaqından idxalın 29,05% azaldığı bildirilir. Ancaq bir neçə ölkədən idxal çoxalıb: Kipr – 60,1%, Litva – 55,31%, Finlandiya – 27,66%, Çexiya – 27,18%, Latviya – 8,07%, İspaniya – 7,79%, Niderland – 6,98%.
2017-ci ilin yanvar-iyul aylarında digər ölkələrdən idxal ötən ilin müvafiq dövrü ilə müqayisədə 1,62% geriləyib.
60-dan çox ölkə üzrə isə artım olub. Məsələn, Gürcüstandan idxal 180,1%, İsraildən idxal 172,03%, Hindistandan idxal 108,38%, İrandan idxal 79,82%, Argentinadan idxal 51,48%, ABŞ-dan idxal 35,82%, Çindən idxal 34,59%, Cənubi Afrika Respublikasından idxal 19,02%, Misirdən idxal 18,39%, Səudiyyə Ərəbistanından idxal 17,35%, Türkiyədən idxal 12,46%, Pakistandan idxal 11,63% artıb.
7 ay üzrə idxalda əsas 10 ölkə bunlardır: Rusiya, Türkiyə, Çin, ABŞ, Almaniya, Ukrayna, İtaliya, İran, Böyük Britaniya, Fransa.
