Terror aktlarının nəticələri
İspaniyanın Barselona şəhərində törədilmiş terror aktının məsuliyyətini İŞİD qruplaşması öz üzərinə götürüb.
Avqustun 17-si axşam Barselonada mikroavtobusun yüksək sürətlə kütlənin üzərinə sürülməsi 13 nəfərin ölümü, 120-yə yaxın şəxsin xəsarət alması ilə nəticələnib. Olayda 18 ölkənin vətəndaşları ziyan çəkib.
Sürücü hadisə yerindən qaçıb. Terror aktına görə Şimali Afrika mənşəli 2 nəfərin həbs edildiyi bildirilir.
Novator.az-ın məlumatına görə, avqustun 17-si axşam İspaniyanın Kambrils şəhərində də oxşar hadisə qeydə alınıb. Terrorçular avtofurqonu insanların üzərinə sürüblər, 7 nəfər xəsarət alıb. Polisin müdaxiləsi nəticəsində 5 terrorçu məhv edilib.
