Sosial xidmət müəssisələrində 1106 nəfər yaşayır
Əmək və Əhalinin Sosial Müdafiəsi Nazirliyinin sosial xidmət müəssisələrində 1106 nəfər şəxs daimi dövlət təminatında yaşayır. Rəsmi hesabata görə, həmin insanların 776 nəfəri 18 yaşdan yuxarı şəxslərdir.
230 nəfər tənha ahıl və əlilliyi olan vətəndaş Bakının Bilgəh qəsəbəsindəki pansionata, qalanları psixonevroloji sosial xidmət müəssisələrinə yerləşdirilib. Nazirliyin Bakının Şağan qəsəbəsindəki və Abşeron rayonunun Saray qəsəbəsindəki sağlamlıq imkanları məhdud uşaqlar üçün sosial xidmət müəssisələrində 330 nəfər uşaq stasionar şəraitdə sosial xidmətlərlə təmin edilirlər.
Aparılan işlər nəticəsində bu ilin ötən dövründə sosial xidmət müəssisələrindən 31 nəfər şəxs doğma ailələrinə qayıdıb. Onlardan 18 nəfəri sağlamlıq imkanları məhdud uşaqlar olub.
