Rusiyada orta əməkhaqqı nə qədərdir?
2017-ci ilin iyul ayında Rusiyada orta əməkhaqqı 39 min 255 rubla (1126 manatdan çox) çatıb. Novator.az-ın məlumatına görə, Federal Dövlət Statistikası Xidməti belə hesabat yayıb.
Hesabata əsasən, orta əməkhaqqı ötən ilin iyul ayı ilə müqayisədə 8,6% çoxdur. Yanvar-iyul aylarında orta əməkhaqqı ötən ilin müvafiq dövrünə nisbətən 7,5% artıb.
Federal Dövlət Statistikası Xidməti bu ilin birinci yarısında ümumi daxili məhsulun 1,5% artdığını bəyan edib. Əhalinin real gəlirlərinin isə 2017-ci ilin yanvar-iyul aylarında 1,4% düşdüyü bildirilir.
Novator.az xatırladır ki, 2017-ci ilin yanvar-iyun aylarında Azərbaycan iqtisadiyyatında muzdla çalışan işçilərin orta aylıq nominal əməkhaqqı 522 manat olub.
