6 ayda 174 min iş yeri açılıb, 25 mini bağlanıb
2014-cü il yanvarın 1-dən bu il iyulun 1-nə qədər Azərbaycanda 613,7 min iş yeri (470,4 mini daimi) yaradılıb.
Dövlət Statistika Komitəsindən AZƏRTAC-a bildiriblər ki, bu ilin birinci yarısı ərzində ölkədə 174 min yeni, o cümlədən 119,3 min daimi iş yeri açılıb. Bunun 65,1 faizi qeyri-dövlət sektorunun payına düşür.
Yeni iş yerlərinin 22 faizi Bakı şəhərində, 0,8 faizi Naxçıvan Muxtar Respublikasında, 77,2 faizi regionlarda yaradılıb.
Hesabata görə, 2017-ci ilin yanvar-iyun aylarında ölkədə 25 min iş yeri bağlanıb.
