Miqrasiya Xidmətinin aylıq hesabatı
Dövlət Miqrasiya Xidməti iyul ayının hesabatını yayıb. Rəsmi açıqlamaya görə, ötən ay əcnəbilər və vətəndaşlığı olmayan şəxslərin Azərbaycan qanunvericiliyinin tələblərini pozması ilə bağlı 2803 qərar qəbul edilib. Qərarların 264-ü ölkə ərazisində yaşamağın leqallaşdırılması, 1268-i ölkə hüdudlarından çıxarılmamaqla cərimə tətbiqi, 999-u ölkə hüdudlarından çıxarılmaqla cərimə tətbiqi, 245-i ölkə ərazisinə gəlişin məhdudlaşdırılması, 27-si müvəqqəti və daimi yaşamaq üçün sənədin yeni sənədlə əvəz olunması ilə bağlı olub.
7 ayda Dövlət Miqrasiya Xidməti əcnəbilər və vətəndaşlığı olmayan şəxslərdən ölkədə müvəqqəti olma müddətlərinin uzadılması, müvəqqəti və daimi yaşamaq üçün icazə, vətəndaşlığa qəbul, xitam, bərpa, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazələri və mövcud iş icazələrinin müddətlərinin uzadılması ilə bağlı 7449 müraciət alıb.
Hesabat dövrü ərzində olduğu yer üzrə qeydiyyatla bağlı 126217 nəfər əcnəbi və vətəndaşlığı olmayan şəxs müraciət edib.
