Əmək müqaviləsi bildirişi: sistemə müraciətlərin sayı 9 milyonu ötüb
Bu ilin iyul ayında Əmək və Əhalinin Sosial Müdafiəsi Nazirliyinin Əmək Müqaviləsi Bildirişi üzrə Elektron İnformasiya Sisteminə ötən ilin müvafiq dövrünə nisbətən 28,2 faiz çox, 212 min 20 dəfə müraciət edilib.
Rəsmi hesabata görə, 167 min 898 müraciət “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətinə yönəlib. Müraciətlərin 17 min 687-si “Əmək müqaviləsi bildirişləri barədə məlumatların işçilər tərəfindən əldə edilməsi”, qalan hissəsi isə “İş yerinə dair arayış” e-xidmətinə aid olub.
Tətbiqinə başlandığı 2014-cü ilin iyul ayından bəri Əmək Müqaviləsi Bildirişi üzrə Elektron İnformasiya Sisteminə müraciətlərin sayı 9 milyon 80 mini ötüb. Bu, ötən dövrdə “E-hökumət” portalına müraciətlərin 17,5 faizini təşkil edir.
