Mədəniyyət sərəncamı: nazirliyə 6 milyon 987 min manat ayrıldı
Prezident İlham Əliyev mədəniyyət sahəsinin inkişafına dövlət dəstəyinin gücləndirilməsinə sərəncam verib. Sənəd mədəniyyət obyektlərinin tikintisi və təmiri işlərinin davam etdirilməsi, habelə bərpa-tamamlama işlərinin sürətləndirilməsi üçün dövlət büdcəsindən Mədəniyyət və Turizm Nazirliyinə 6 milyon 987 min manat ayrılmasını nəzərdə tutur.
Vəsait paytaxtın Maştağa, Qızıldaş, Şağan qəsəbələrində yerləşən mədəniyyət mərkəzlərinin tikintisinin və təchizatının tamamlanmasına; Bakının Nərimanov rayonunda yerləşən 21 nömrəli Musiqi Məktəbinin tikintisinin və təchizatının tamamlanmasına; Bərdə şəhərində yerləşən “Allah-Allah” türbəsinin bərpası işlərinin tamamlanmasına sərf olunacaq.
