Kredit azalır, problemi artır
Mərkəzi Bank kredit və əmanət hesabatları açıqlayıb. Novator.az-ın məlumatına görə, iyulun 1-nə kreditlərin həcmi 13 milyard 482,8 milyon manat olub. İyunun 1-nə kreditlərin həcmi 14 milyard 394,8 milyon manat göstərilmişdi. Bir ayda 912 milyon manat azalma qeydə alınıb.
Ancaq vaxtı keçmiş kreditlərin məbləğində artım var. Hesabata əsasən, problemli kreditlərin məbləği 1 milyard 810,7 milyon manatdır. Bu, ay ərzində 70,9 milyon manat çoxalma deməkdir. İyunun 1-nə məbləğ 1 milyard 739,8 milyon manat idi.
Əmanətlərin həcmi isə iyunun 1-i ilə müqayisədə 60,4 milyon manat artaraq 6 milyard 846,7 milyon manatdan 6 milyard 907,1 milyon manata yüksəlib.
