İqtisadi sektora aid yeni rəqəmlər
Bu ilin 7 ayında Azərbaycanda kənd təsərrüfatının ümumi məhsulu 2016-cı ilin yanvar-iyul ayları ilə müqayisədə 1,2 faiz, o cümlədən heyvandarlıq məhsullarının istehsalı 3 faiz artıb, bitkiçilik məhsullarının istehsalı isə 0,8 faiz azalıb. Dövlət Statistika Komitəsi belə açıqlama yayıb.
Novator.az bildirir ki, başqa bir rəsmi hesabata görə, yanvar-iyul aylarında yük daşınması əvvəlki ilin müvafiq dövrü ilə müqayisədə 2,1 faiz, sərnişin daşınması isə 2,3 faiz artıb.
İnformasiya və rabitə müəssisələrinin göstərdiyi 958,2 milyon manatlıq xidmətlərin 72 faizi əhali sektoruna aid olub. 2016-cı ilin müvafiq dövrü ilə müqayisədə yanvar-iyul aylarında informasiya və rabitə xidmətlərinin dəyəri 4,9 faiz artıb, bu sahədə əldə edilmiş gəlirin 81 faizi qeyri-dövlət sektorunun payına düşüb.
