Pensiya: orta məbləğ 202 manatı ötüb
mək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun hesabatına əsasən, bu ilin yanvar-iyun aylarında pensiya və müavinətlərin maliyyələşdirilməsinə 1 milyard 672,4 milyon manat vəsait yönəldilib. Vəsaitin 97,3 faizini pensiya xərcləri təşkil edib.
2017-ci il iyulun 1-nə Dövlət Sosial Müdafiə Fondunda 1 milyon 328,4 min nəfər pensiyaçı qeydiyyatda olub, bu da ölkə əhalisinin 13,7 faizini təşkil edir. Onların 59,4 faizi yaşa, 29,3 faizi əlilliyə, 11,3 faizi isə ailə başçısını itirməyə görə pensiya alır.
Təyin olunmuş aylıq pensiyaların orta məbləği ötən ilin müvafiq dövrü ilə müqayisədə 6,6 faiz artaraq 202,2 manat təşkil edib.
İyulun 1-nə 378 min nəfərə sosial müavinətlər təyin olunub. Altı ay ərzində əhaliyə 45,8 milyon manat məbləğində müavinət ödənib.
120,3 min aztəminatlı ailənin 498,4 min nəfər üzvü ünvanlı dövlət sosial yardımı alıb və onun bir nəfərə düşən orta aylıq məbləği 35,8 manat təşkil edib. Cari ilin əvvəli ilə müqayisədə ünvanlı dövlət sosial yardımı alanların sayı 10,7 faiz azalıb.
Prezident təqaüdü alan şəxslərin sayı 58,8 min nəfər göstərilir.
Novator.az bildirir ki, hesabat avqustun 14-də Dövlət Statistika Komitəsinin rəsmi portalında yayılıb.
