Alış-verişdə əsas mallar
Dövlət Gömrük Komitəsi yanvar-iyul aylarının ixrac və idxal göstəricilərini açıqlayıb. Novator.az bildirir ki, hesabata görə, ümumi ixracın 85,78 faizi neft və qaz sektoruna aiddir. 2017-ci ilin 7 ayında ixracın 72 faizi xam neft olub. Neft məhsulları ixracın 2,9 faizini, təbii qaz 10,88 faizini təşkil edib.
Xam neft ixracında 20,09 faiz, neft məhsullarının ixracında 18,29 faiz azalma var.
Təbii qaz ixracı 485,71 faiz, elektrik enerjisi ixracı 215,19 faiz çoxalıb.
Hesabata əsasən, ixracın 4,12 faizi meyvə-tərəvəzdir. Meyvə-tərəvəz ixracında 42,4 faiz artım qeydə alınıb.
2017-ci ilin 7 ayında idxalın 21,82 faizi maşın, mexanizm, elektrik aparatları, avadanlıqlar və onların hissələri olub.
Yeyinti məhsulları ümumi həcmin 17,13 faizini təşkil edib. 2016-cı ilin yanvar-iyul ayları ilə müqayisədə yeyinti məhsullarının idxalında 6,58 faiz artım var.
Ümumi idxalın 10,89 faizi nəqliyyat vasitələri və onların hissələri, 9,49 faizi qara metallar və onlardan hazırlanan məmulatlardır.
