7 ayda həm ixrac geriləyib, həm idxal
Dövlət Gömrük Komitəsi 7 aylıq göstəriciləri açıqlayıb. Novator.az-ın məlumatına görə, hesabatda bildirilir ki, 2017-ci ilin yanvar-iyul aylarında Azərbaycanın ticarət əməliyyatlarının həcmi 2016-cı ilin müvafiq dövrünə nisbətən 6,93 faiz azalaraq 10 milyard 522 milyon dollar olub.
İxracda (6 milyard 152,4 milyon dollar) 2016-cı ilin 7 ayına nisbətən 6,03 faiz azalma var.
İdxal ötən ilin müvafiq dövrünə nisbətən 8,17 faiz azalaraq 4 milyard 369,7 milyon ABŞ dolları olub.
Hesabata görə, yanvar-iyul aylarında 176 ölkə ilə ticarət əməliyyatı aparılıb.
7 ayda gömrük orqanları büdcəyə 1 milyard 427,9 milyon manat ödəyib.
