236 komandadan 134-ü mövsümlə vidalaşıb
UEFA Çempionlar Liqası və Avropa Liqasında üç raund arxada qalıb. Novator.az-ın məlumatına görə, bu həftə start götürəcək dördüncü mərhələ ərəfəsində 55 UEFA üzvündən 19-u, o cümlədən keçmiş SSRİ məkanından Latviya, Estoniya, Gürcüstan, Ermənistan təmsilçisiz qalıb. Onların bütün klubları ilk mərhələlərdə ələnib.
13 UEFA üzvü, o cümlədən Azərbaycan, Belarus, Qazaxıstan, Moldova, Litva dördüncü raundlara 1 komanda ilə adlaya biliblər.
İspaniya, İngiltərə, İtaliya, Rusiya, Portuqaliya, Xorvatiya itkisiz irəliləyir.
2017-2018 mövsümündə UEFA-nın klub turnirlərinə 236 komanda buraxılıb. İlk üç raundda onların 134-ü mövsümlə vidalaşıb.
