Nabranda yay məktəbi
“Dan” Beynəlmiləlçi Gənclər İctimai Birliyi iyunun 19-24-də Xaçmaz rayonunun Nabran qəsəbəsində “Yay məktəbi” düşərgəsi təşkil edib.
Layihə Gənclər və İdman Nazirliyinin maliyyə dəstəyilə həyata keçirilib.
Yay məktəbində 18-29 yaşlarında olan 40 nəfər gənc iştirak edib.
Yay məktəbinin interaktiv tədris hissəsi əsasən bu istiqamətləri əhatə edib:
– gənclərin beynəlxalq və yerli səviyyədə əməkdaşlığı, mübadiləsi haqqında maarifləndirmə və mövcud imkanlar;
– ətraf mühitin mühafizə olunmasında iştirak edən təşkilatların cəlb edilməsi yolu ilə gənclərin maarifləndirilməsi;
– sağlam həyat tərzinin formalaşdırılması məsələləri üzrə maarifləndirmə;
– gənclərin korporativ sosial məsuliyyət sahəsində maarifləndirilməsi, özəl sektorun gənclərlə bağlı korporativ sosial məsuliyyət siyasətinin formalaşdırılmasında QHT-lərin rolu, mövcud təcrübə və perspektivlər.
Yay məktəbi çərçivəsində interaktiv tədris hissəsindən kənar asudə vaxtın səmərəli təşkili üçün intellektual oyunlar və müsabiqələr də keçirilib.
