Yeni dövlət proqramı
İyulun 14-də prezident İlham Əliyev Azərbaycanda kənd təsərrüfatı kooperasiyasının inkişafına dair 2017-2022-ci illər üçün dövlət proqramını təsdiq edib. Novator.az-ın məlumatına görə, dövlət başçısı sərəncamla Kənd Təsərrüfatı Nazirliyinə kənd təsərrüfatı kooperasiyasının inkişafı məsələləri ilə məşğul olan struktur bölmənin yaradılmasını təmin etməyi; kənd təsərrüfatı kooperativlərinin fəaliyyəti sahəsində uğurlu nəticələr əldə etmiş ölkələrin təcrübəsini nəzərə almaqla sistemli və kompleks tədbirlər həyata keçirməyi; kənd təsərrüfatı kooperativlərinin və onların ittifaqlarının nümunəvi nizamnamələrini hazırlamağı tapşırıb.
Nazirlik dövlət proqramında nəzərdə tutulan tədbirlərin həyata keçirilməsini əlaqələndirməli; proqramın icrasının gedişi barədə ildə iki dəfə prezidentə məlumat verməlidir.
Proqramın icrasına nəzarət Prezident Administrasiyasına həvalə olunub.
