Nağdsız əməliyyatların dairəsi genişləndi
Prezident İlham Əliyev “Nağdsız hesablaşmalar haqqında” qanunun tətbiqi ilə əlaqədar qəbul olunmuş sənədləri imzalayaraq təsdiqləyib.
Novator.az-ın məlumatına görə, “Təhsil haqqında” qanunda dəyişikliyə əsasən, təhsil haqlarının ödənilməsi yalnız nağdsız qaydada həyata keçiriləcək.
“Turizm haqqında” qanunda yenilik turagentlərə ödəmələrin yalnız nağdsız qaydada həyata keçirilməsini nəzərdə tutur.
“Sosial müavinətlər haqqında” qanunda dəyişiklik bütün müavinət növlərinin yalnız nağdsız qaydada ödənilməsi barədədir.
“Əmək pensiyaları haqqında” qanunda yeniliyə görə, pensiyaların ödənilməsi yalnız nağdsız qaydada həyata keçiriləcək.
Əmək Məcəlləsində, “Sosial sığorta haqqında” qanunda, “İcbari sığortalar haqqında” qanunda, “Sığorta fəaliyyəti haqqında”, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” qanunda, “Məşğulluq haqqında” qanunda da analoji dəyişikliklər edilib.
“Nağdsız hesablaşmalar haqqında” qanunda dəyişikliklər isə nağdsız hesablaşmaların əməliyyat-axtarış, kəşfiyyat və əks-kəşfiyyat fəaliyyətinin subyektlərinə şamil edilməməsi barədədir.
