İkinci mərhələ yarılandı
UEFA Avropa Liqasında Azərbaycanı təmsil edən üç komandadan ikisi iyulun 13-də meydanlara çıxıb. Novator.az-ın məlumatına görə, “Zirə” ikinci mərhələnin ilk matçını səfərdə Rumıniyanın “Astra” komandasına qarşı keçirib. Meydan sahibləri 3:1 hesabı ilə üstün gəliblər.
“Qəbələ” isə Bakıda Polşanın “Yaqelloniya” klubu ilə xalları bölüb – 1:1.
UEFA Avropa Liqasının ikinci mərhələsi iyulun 12-də start götürüb. Həmin gün Azərbaycan təmsilçisi “İnter” Bakıda Lüksemburqun “Fola” klubunu 1:0 hesabı ilə udub.
Cavab oyunları iyulun 20-də keçiriləcək.
Mərhələ keçəcəkləri halda Azərbaycan klubları üçüncü raundda “Zenit” (Rusiya), “Atletik” (İspaniya), “Fənərbaxça” (Türkiyə), “Milan” (İtaliya), PSV (Hollandiya), “Panatinaikos” (Yunanıstan), “Marsel” (Fransa), “Everton” (İngiltərə) kimi güclü komandalara rəqib ola bilər.
