Bakıda minimal qələbə
UEFA Avropa Liqasının ikinci mərhələsi start götürüb. Azərbaycan təmsilçisi “İnter” iyulun 12-si Bakıda, “Dalğa Arena”da Lüksemburqun “Fola” klubunu 1:0 hesabı ilə məğlub edib. Cavab oyunu iyulun 20-də keçiriləcək.
Avropa Liqasında Azərbaycanın digər təmsilçiləri bu gün meydana çıxırlar. “Zirə” səfərdə Rumıniyanın “Astra” komandası ilə, “Qəbələ” Bakıda Polşanın “Yaqelloniya” klubu ilə görüşəcək.
Novator.az bildirir ki, mərhələ adlayacaqları halda Azərbaycan klubları üçüncü raundda bu komandalara rəqib ola bilər: “Zenit”, “Krasnodar” (Rusiya), “Atletik” (İspaniya), “Fənərbaxça” (Türkiyə), “Sparta” (Çexiya), “Milan” (İtaliya), PSV (Hollandiya), “Braqa”, “Maritimu” (Portuqaliya), “Gent” (Belçika), PAOK, “Panatinaikos” (Yunanıstan), “Bordo”, “Marsel” (Fransa), “Everton” (İngiltərə), “Dinamo” (Xorvatiya), “Frayburq” (Almaniya), “Austria” (Avstriya), “Syon” (İsveçrə).
