Güzəştli vergi tutulan ölkələrin və ərazilərin siyahısı
Prezident İlham Əliyev fərman imzalayaraq güzəştli vergi tutulan ölkələrin və ərazilərin siyahısını təsdiq edib. Novator.az-ın məlumatına görə, siyahıya Andorra, Anqila, Antiqua və Barbuda, Aruba, Antil Adaları (Niderland), Baham Adaları, Bəhreyn, Bermud Adaları, Britaniya Vircin Adaları, Beliz, Barbados, Cəbəllütariq, Cersi, Dominika, Honkonq (Çin), Kayman Adaları, Kuk Adaları, Kosta-Rika, Qernsi, Qrenada, Liberiya, Lixtenşteyn, Maldiv Adaları, Men Adaları, Marşal Adaları, Montserrat, Monako, Makao (Çin), Nauru, Niue, Panama, Palau, Seyşel Adaları, Sent Kits və Nevis, Samoa, Sent Vinsent və Qrenadin, Sent Lusiya, Törks və Kaykos Adaları, Vanuatu, Vircin Adaları (ABŞ) daxildir.
Fərman Vergi Məcəlləsinə 16 dekabr 2016-cı ildə edilmiş dəyişikliklərin tətbiqi ilə əlaqədardır. Qanuna görə, hər il üçün güzəştli vergi tutulan ölkələrin və ya ərazilərin siyahısı təsdiqlənməlidir.
