Fotoqrafların günü

12 İyul 2017
comments
Novator.az
Posted in Foto

İyulun 12-si Dünya Fotoqraflar Günüdür.

1826-cı ilin iyul ayının 12-də 8 saata hazırlanan ilk ağ-qara fotonu Jozef Nisefor Nyeps çəkib. Lakin Dünya Fotoqraflar Gününün iyulun 12-də qeyd edlməsi “Pəncərədən La-Qrassın mənzərəsi” adlanan və dövründə insanların möcüzə kimi qəbul etdiyi foto ilə bağlı deyil.

Fotoqraflar günü fotoqrafiyanı hamı üçün əlçatan etmiş “Kodak” şirkətinin təsisçisi Corc İstmanın şərəfinə təsis edilib. Corc İstman 1854-cü ilin 12 iyulunda anadan olub.

1839-cu ildə fransız kimyagər Lui Jak Mande Daqqerin işığa həssas metal lövhəni icad etməsi fotoqrafiyanın inkişafına təkan verdi.

Get-getə təsvirin əldə edilməsi üçün yeni konstruksiyalar, köməkçi mexanizmlər yaradıldı.

Fotoqrafik aparat və ona aid olan hissələr “fotoaparat” və ya “fotokamera” kimi sözlərlə ifadə olunur. Fotoqrafiya ilə məşğul olanlara isə fotoqraf deyilir. Peşə məktəblərində, ali məktəblərdə bu sənətin incəliklərinə yiyələnmək mümkündür.

Azərbaycanın tarixə düşən ilk fotoqrafı Mircavad Axundzadədir.

Dövrümüzdə bu peşə arıq sənət olaraq qəbul edilir. Sənəti sevənlər – fərqi yoxdur həvəskar və ya peşəkar olsun – bu əlamətdar günü hər il qeyd edirlər.

Dövrün reallığını, yaşamın özünəməxsus zahiri cizgilərini olduğu kimi lentə və ya ekrana köçürən tarixi fotolardan bir neçəsini təqdim edirik:

Yanğınsöndürən 2009-ci ildə Avstraliyadakı böyük meşə yanğınından xilas etdiyi koalaya su içirdərkən

Hindistanın Mumbay şəhərində 1993-ci ildə 3329 kiloqram partlayıcı, 600 fişəng və 249 əl bombasını taparaq minlərlə adamın həyatını qurtaran “Zanjeer” adlı it 2000-ci ildə ölərkən təşkil edilmiş mərasim

Yeni Dehlidə evsiz bir adam məscidin qarşısında pulsuz paylanan yeməyi gözləyir

Amerikalı fotoqraf Klod P.Detlofun 1940-cı ildə çəkdiyi “Məni gözlə, ata” fotosu 5. 2011-ci ilin martında Yaponiyada dəhşətli sunaminin darmadağın etdiyi Natori şəhəri