Birinci sinif müsabiqəsində 1471 uşaq uğur qazanıb
Bakıdakı ümumi təhsil məktəblərinə 6 yaşı sentyabrın 16-dan dekabrın 31-dək tamam olacaq xüsusi istedadlı uşaqların birinci sinfə qəbulu üzrə müsabiqə başa çatıb. Təhsil Nazirliyi bildirir ki, müsabiqədə iştirak etmək üçün 1769 uşağın sorğusu yerləşdirilib, 1471 uşaq uğur qazanıb.
Müsabiqə iyunun 20-dən iyulun 10-dək paytaxtdakı 42 nömrəli tam orta məktəbdə keçirilib. Məktəbəhazırlıq qruplarını uğurla başa vuraraq müvafiq sertifikat alan uşaqlar birinci sinfə müsabiqədənkənar qəbul ediliblər.
