Azərbaycan Ordusunda yeni medal
Prezident İlham Əliyev “Azərbaycan Ordusunun 100 illiyi (1918-2018)” yubiley medalı haqqında əsasnaməni imzalayıb. 30 iyun 2017-ci il qanunu ilə təsdiq edilən qanuna görə, yubiley medalı ilə 2018-ci il iyunun 26-dək Azərbaycan Ordusunda həqiqi hərbi xidmət keçən və döyüş hazırlığında uğurlar qazanmış, habelə Azərbaycan Ordusundan ehtiyata və ya istefaya buraxılmış, Azərbaycan Ordusunun qurulmasında və möhkəmləndirilməsində fəal iştirak edən zabit, gizir, miçman və müddətdən artıq həqiqi hərbi xidmət hərbi qulluqçuları təltif edilirlər.
Yubiley medalı döşün sol tərəfinə, Azərbaycan Respublikasının digər orden və medalları olduqda “Azərbaycan Respublikası Silahlı Qüvvələrinin 95 illiyi (1918-2013)” yubiley medalından sonra taxılır.
Novator.az bildirir ki, prezident 11 iyul fərmanında yubiley medalı ilə təltif etmək səlahiyyətini müdafiə nazirinə verib.
