Xarici ticarət: 6 ayın göstəriciləri açıqlanıb
Dövlət Gömrük Komitəsi 2017-ci ilin ilk yarısının göstəricilərini açıqlayıb. Novator.az-ın məlumatına görə, rəsmi hesabatda qeyd olunur ki, yanvar-iyun aylarında Azərbaycanın ticarət əməliyyatlarının həcmi 2016-cı ilin ilk altı ayına nisbətən 9,76 faiz artaraq 8 milyard 678,4 milyon dollara çatıb.
İxracda (5 milyard 268,7 milyon dollar) 2016-cı ilin ilk yarısına nisbətən 36,45 faiz artım var.
İdxal ötən ilin müvafiq dövrünə nisbətən 15,72 faiz azalaraq 3 milyard 409,7 milyon ABŞ dolları olub.
Hesabata görə, yanvar-iyun aylarında 171 ölkə ilə ticarət əməliyyatı aparılıb.
Altı ayda gömrük orqanları büdcəyə 1 milyard 148,5 milyon manat ödəyib.
