Sərhədçilər axtarışda olan 398 nəfəri tutub
Dövlət Sərhəd Xidməti bildirir ki, 2017-ci ilin iyun ayında dövlət sərhədini pozan 39 nəfər saxlanıb. Onların 22 nəfəri Azərbaycan, 5 nəfəri Özbəkistan, 2 nəfəri İran, 2 nəfəri Tacikistan, 2 nəfəri Banqladeş, qalanları Gürcüstan, Ukrayna, Türkiyə, Pakistan, Qazaxıstan və Konqo vətəndaşlarıdır.
Sərhəd rejim qaydalarını pozarkən 1522 nəfər saxlanaraq barələrində müvafiq tədbirlər görülüb.
Axtarışda olan 398 nəfər aşkarlanaraq aidiyyəti orqanlara təhvil verilib.
95 kiloqram 740,8 qram narkotik maddə, ümumi dəyəri təqribən 4 milyon 579 min 256 manat olan qaçaqmal götürülüb.
