Orta əməkhaqqı açıqlanıb
Dövlət Statistika Komitəsi bildirir ki, 2017-ci il iyunun 1-nə ölkə iqtisadiyyatında muzdla çalışan işçilərin sayı 1 milyon 525,2 min nəfər olub. Novator.az-ın məlumatına görə, onların 886,4 min nəfəri iqtisadiyyatın dövlət sektorunda, 638,8 min nəfəri qeyri-dövlət sektorunda fəaliyyət göstərib.
Muzdla işləyənlərin 21,9 faizi təhsil, 19 faizi ticarət; nəqliyyat vasitələrinin təmiri, 12,6 faizi sənaye, 8,6 faizi əhaliyə səhiyyə xidməti və sosial xidmətlərin göstərilməsi, 7,1 faizi dövlət idarəetməsi və müdafiə; sosial təminat, 7,1 faizi tikinti, 4,7 faizi nəqliyyat və anbar təsərrüfatı, 3,5 faizi peşə, elmi və texniki fəaliyyət, 3,1 faizi kənd təsərrüfatı, meşə təsərrüfatı və balıqçılıq, 1,6 faizi maliyyə və sığorta fəaliyyəti sektorunda, 10,8 faizi iqtisadiyyatın digər sahələrində çalışıb.
2017-ci ilin yanvar-may aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 6,3 faiz artaraq 520,1 manat olub.
