Əmək Müfəttişliyi Xidmətinin yeni hesabatı
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin 2017-ci ilin yanvar-iyun aylarında vətəndaş müraciətləri əsasında həyata keçirdiyi tədbirlərdə 70 min 828 manat məbləğində gecikdirilmiş sosial xarakterli ödənişlərin işçilərə ödənilməsi təmin olunub. Rəsmi hesabatda qeyd olunur ki, həmin məbləğin 93,6 faizini əmək haqları, 4,8 faizini sosial müavinət və kompensasiyalar, qalan hissəsini zərərə görə ödənclər təşkil edib.
Ayrı-ayrı vətəndaşların işdən qeyri-qanuni azad edilmələri barədə müraciətləri də araşdırılıb. İşdən qanunvericiliyin tələblərinə zidd şəkildə çıxarıldığı müəyyən olunan şəxslər əvvəlki işlərinə bərpa etdiriliblər.
