İxracın 85 faizindən çoxu neft və qazdır
Dövlət Gömrük Komitəsi yanvar-iyun aylarının ixrac və idxal göstəricilərini açıqlayıb. Novator.az bildirir ki, ümumi ixracın 85,66 faizi neft və qaz sektoruna aiddir. İlin ilk yarısında ixracın 72,87 faizi xam neft olub. Neft məhsulları ixracın 2,77 faizini, təbii qaz 10,02 faizini təşkil edib.
Xam neft ixracında 8,79%, neft məhsullarının ixracında 56,7% azalma var.
Təbii qaz ixracı 378,95%, elektrik enerjisi ixracı 290,6% çoxalıb.
Hesabata əsasən, ixracın 4,37 faizi meyvə-tərəvəzdir. Meyvə-tərəvəz ixracında 59,69% artım qeydə alınıb.
Yanvar-iyun aylarında pambıq lifinin ixracı ötən ilin ilk 6 ayı ilə müqayisədə 493,9% artıb.
2017-ci ilin ilk altı ayında idxalın 21,87 faizi maşın, mexanizm, elektrik aparatları, avadanlıqlar və onların hissələri olub.
Yeyinti məhsulları ümumi həcmin 18,31 faizini təşkil edib.
Ümumi idxalın 9,76 faizi qara metallar və onlardan hazırlanan məmulatlar, 6,48 faizi nəqliyyat vasitələri və onların hissələridir.
2017-ci ilin yanvar-iyun aylarında ət idxalında 108,84%, süd idxalında 58,52%, şəkər idxalında 13,48% artım olduğu bildirilir.
Dövlət Gömrük Komitəsi qeyd edir ki, 2016-cı ilin yanvar-iyun ayları ilə müqayisədə əczaçılıq məhsullarının idxalı 17,33% artıb.
