Gömrük hüquqpozmalarının statistikası
2017-ci ilin ilk yarısı üzrə gömrük hüquqpozmalarının statistikası yayılıb. Novator.az-ın məlumatına görə, Dövlət Gömrük Komitəsi bildirir ki, yanvar-iyun aylarında gömrük orqanları cinayət xarakterli 400 fakt aşkarlayıb.
Gömrükçülər 243 qaçaqmalçılıq faktı, narkotik vasitələrin və psixotrop maddələrin qanunsuz dövriyyəsi ilə əlaqədar 115 fakt, 1 gömrük ödənişindən yayınma, 46 aksiz markası olmadan mal idxal etmə faktı, 114 digər cinayət xarakterli fakt qeydə alıb.
Yanvar-iyun ayları ərzində gömrük hüquqpozmalarında 432 şəxs təqsirləndirilib.
Dövlət Gömrük Komitəsi hesabat dövründə 4255 inzibati xəta faktı ortaya çıxarıb.
