Vergilər Nazirliyi müraciət statistikası yayıb
2017-ci ilin birinci yarışı ərzində vergi orqanlarına 50 min 902 müraciət daxil olub. Vergilər Nazirliyi bildirir ki, bu, ötən ilin müvafiq dövrü ilə müqayisədə 4,7 faiz çoxdur. Müraciətlərdən 94,8 faizinin ərizə, 5 faizinin şikayət, 0,2 faizinin təklif olduğu bildirilir.
Hesabata görə, müraciətlərin 41,1 faizi müxtəlif arayışların alınmasını, 28,6 faizi kameral vergi yoxlamalarını, 11,2 faizi vergi borclarını, 2,6 faizi vergi qanunvericiliyinin tətbiqini, 2,5 faizi vergidən yayınmanı, nağd hesablaşmaların aparılması qaydalarının pozulmasını, qanunsuz sahibkarlıq fəaliyyətini, 1,9 faizi səyyar vergi yoxlamalarını, qalanları isə digər məsələləri əhatə edib.
Bütün müraciətlərə baxıldığı, 72,9 faizinin müsbət həll olunduğu bildirilir.
Hesabat dövründə vergi orqanlarında ümumilikdə 2003 vətəndaş qəbul edilib.
