Ərdoğan İstanbulda bir daha Azərbaycana dəstək verib
Prezident İlham Əliyev İstanbulda keçirilən 22-ci Dünya Neft Konqresində iştirak etmək üçün iyulun 9-da Türkiyəyə səfər edib.
Həmin gün Azərbaycan prezidenti İstanbulda Türkiyə prezidenti Rəcəb Teyyub Ərdoğanla görüşüb və birgə şam ediblər.
AZƏRTAC xəbər verir ki, görüşdə dövlət başçıları iki ölkənin hərbi sahədə əməkdaşlığının daha da genişləndirilməsi və möhkəmləndirilməsi haqqında da söhbət aparıblar.
İlham Əliyev son vaxtlar Qarabağda təmas xəttində Ermənistanın təxribatları və hərbi cinayətləri barədə Türkiyə prezidentinə ətraflı məlumat verib. Rəcəb Teyyub Ərdoğan Türkiyənin həmişə olduğu kimi, Dağlıq Qarabağ münaqişəsinin beynəlxalq hüquq normaları, Azərbaycanın ərazi bütövlüyü prinsipləri əsasında həllinə dəstək verdiyini vurğulayıb.
Dövlət başçıları qeyd ediblər ki, Türkiyə və Azərbaycan bütün məsələlərlə bağlı bir-birinin yanındadır.
