Putin əcnəbi həmkarları ilə hansı dildə danışır?
Rusiya prezidenti Vladimir Putin rəsmi görüşlərdə tərcüməçi xidmətindən istifadə etsə də, ayaqüstü söhbətlər zamanı əcnəbi həmkarları ilə ingilis dilində danışır. Novator.az-ın məlumatına görə, bunu Rusiya prezidentinin mətbuat katibi Dmitri Peskov “Rossiya 1” telekanalında çıxış edərkən deyib.
Peskov bildirib ki, Putin öz ingilis dili tərcüməçilərinə tez-tez iradlar da tutur, onların səhvlərini düzəldir.
Mətbuat katibi vurğulayıb ki, belə situasiyada işləmək tərcüməçilər üçün çox çətindir. Vaxtilə özünün də yüksək səviyyəli görüşlərdə tərcüməçilik etdiyini xatırladan Dmitri Peskov bunun, yəni tərcüməyə tutulan iradların onları necə gərgin bir hala saldığını yaxşı təsəvvür etdiyini vurğulayıb.
Səidə Hüseynova
