Dövlət Neft Şirkətinin ödənişləri nə qədər çoxalıb?
Dövlət Neft Şirkətinin (SOCAR) 2017-ci ilin iyun ayı üzrə ödənişləri açıqlanıb. Rəsmi hesabata görə, şirkət iyun ayında dövlət büdcəsinə 115 milyon 724 min manat vəsait ödəyib. Bildirilir ki, yanvar-iyun aylarında büdcəyə 785 milyon 612 min manat vəsait ödənib, bu da ötən ilin analoji dövrü ilə müqayisədə 123 milyon 870 min manat və ya 118,7 faiz çoxdur.
Ötən ay Dövlət Sosial Müdafiə Fonduna 11 milyon 832 min manat vəsait köçürülüb. Yanvar-iyun aylarında Dövlət Sosial Müdafiə Fonduna ödəniş 74 milyon 292 min manat təşkil edib. Bunun 2016-cı ilin yanvar-iyun ayları ilə müqayisədə 4 milyon 760 min manat və ya 106,8 faiz çox olduğu bildirilir.
