23 mindən çox nikah, 6 mindən çox boşanma…
Dövlət Statistika Komitəsi demoqrafik vəziyyətlə bağlı hesabat yayıb. Novator.az-ın məlumatına görə, bildirilir ki, 2017-ci ilin əvvəlindən ölkə əhalisinin sayı 0,3 faiz artaraq iyun ayının 1-nə 9 milyon 843 min 31 nəfərə çatıb. Əhalinin ümumi sayının 53 faizini şəhər, 47 faizini kənd sakinləri, 49,9 faizini kişilər, 50,1 faizini qadınlar təşkil edib. Hər 1000 kişiyə 1006 qadın düşüb.
Yanvar-may ayları ərzində ölkədə 58 min 217 doğulmuş körpə qeydə alınıb. Doğulan körpələrin 53 faizi oğlan, 47 faizi isə qız uşaqlarıdır.
5 ayda ölkədə 25 min 638 ölüm halı qeydə alınıb, 23 min 44 nikah və 6 min 207 boşanma rəsmiləşib.
Yanvar-may ayları ərzində daimi yaşamaq üçün 1078 nəfər Azərbaycana gələn, 607 nəfər isə Azərbaycandan gedən qeydə alınıb, miqrasiya saldosu müsbət 471 nəfər olub.
