Əlillərə xidmət: 6 ayın göstəriciləri
Bu ilin yanvar-iyun aylarında Əmək və Əhalinin Sosial Müdafiəsi Nazirliyi əlilliyi olan şəxsləri 14506 protez-ortopedik məmulat və reabilitasiya vasitəsi ilə təmin edib. Rəsmi məlumata görə, əlilliyi olan şəxslərə 214 ədəd əlil arabası, 581 ədəd aşağı və yuxarı ətraf protezi, 897 ədəd aşağı və yuxarı ətraf ortezi, 295 ədəd bel və boyun nahiyəsi üçün korset, 259 ədəd dördayaqlı dayaq vasitəsi, 610 cüt dirsəkaltı ağac, 755 ədəd əsa verilib.
Əlillərə 1234 cüt protez ayaqqabı, 2283 cüt ortopedik ayaqqabı, 386 cüt qoltuqaltı ağac, 47 ədəd eşitmə aparatı, müxtəlif növlərdə 4 662 reabilitasiya vasitəsi və s. təqdim edilib, onlara məxsus 383 ədəd reabilitasiya vasitəsi və protez-ortopedik məmulat təmir olunub.
6 ayda əlilliyi olan 4787 nəfərə, o cümlədən ölkənin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş 644 nəfərə protez-ortopedik bərpa xidmətləri göstərilib, 286 nəfər isə reabilitasiya yönümlü xidmətlərlə təmin edilib.
