690 sahibkar 63,3 milyon manat güzəştli kredit alıb
İqtisadiyyat Nazirliyinin Sahibkarlığa Kömək Milli Fondu iyulun 6-sı İsmayıllı rayonunun Təzəkənd kəndində işgüzar forum keçirib. Forumda çıxış edən icraçı direktor Şirzad Abdullayev deyib ki, 2017-ci ilin birinci yarısında 690 sahibkara 63,3 milyon manat güzəştli kredit verilib: “Həmin investisiya layihələrinin reallaşdırılması 2300-dən çox yeni iş yerinin yaradılmasına imkan verir. 6 ayda verilən güzəştli kreditlərin 76%-i regionların, 24%-i isə Bakı qəsəbələrinin payına düşür”.
Rəsmi məlumata görə, işgüzar forumda Dağlıq Şirvan iqtisadi rayonunda fəaliyyət göstərən sahibkarlar 1,5 milyon manat güzəştli kredit alıb. Kreditlər əsasən heyvandarlıq, müalicə-sağlamlıq mərkəzinin tikintisi və s. sahələrin inkişafına yönəldiləcək, layihələrin reallaşdırılması 100-ə yaxın yeni iş yerinin açılmasına imkan yaradacaq.
