Sərinlik gəlir
Ekologiya və Təbii Sərvətlər Nazirliyinin məlumatına görə, iyulun 5-i Abşeron yarımadasında gecə 21-25, gündüz 34-39, Bakıda gecə 22-24, gündüz 36-38 dərəcə isti olacağı gözlənir. Rayonlarda gecə 21-26, gündüz 35-40, bəzi yerlərdə 43, dağlarda gecə 17-22, gündüz 28-33 dərəcə isti proqnozlaşdırılır.
Bakıda və Abşeron yarımadasında iyulun 5-i günün ikinci yarısından iyulun 8-i səhərədək arabir güclənən şimal-qərb küləyinin əsəcəyi, havanın temperaturunun ötən günlərlə müqayisədə tədricən 4-6 dərəcə aşağı enəcəyi bildirilir.
İyulun 7-dən bəzi şimal və qərb rayonlarında şimşək çaxacağı, arabir yağış yağacağı, ayrı-ayrı yerlərdə leysan xarakterli olacağı, dolu düşəcəyi vurğulanır. İyulun 7-8-də havanın temperaturu ötən günlərlə müqayisədə 4-7 dərəcə aşağı enəcək.
