Nazirlik müraciət statistikası açıqlayıb
Təhsil Nazirliyi vətəndaşlara 2017-ci ilin iyun ayında göstərilmiş xidmətlərlə bağlı statistika açıqlayıb. Qeyd olunur ki, ay ərzində telefon məlumat mərkəzində 18927 zəng qəbul edilib, vətəndaşların qəbulu mərkəzində isə bu dövrdə 3923 vətəndaşa xidmət göstərilib. Nazirlikdə 2157 sənədin (1028 məktub, 574 ərizə, 555 digər sənəd) qəbul olunub qeydiyyata alındığı xəbər verilir.
Daxil olan müraciətlər daha çox müəllimlərin yerdəyişməsi və işə qəbulu, ali təhsil sənədlərinin (diplomların) tanınması (nostrifikasiya), ümumtəhsil məktəblərinin 1-ci siniflərinə qəbulu və müəllimlərin diaqnostik qiymətləndirilməsi ilə bağlı məsələləri əhatə edib.
