Ekspert: “Manat yenə çətin durumdadır”
Dövlət Neft Fondu iyun ayı ərzində valyuta hərraclarında 373,2 milyon ABŞ dolları satıb. Novator.az bildirir ki, yanvarda Dövlət Neft Fondundan 285 milyon dollar, fevralda 258,4, martda 250 milyon dollar, apreldə 220,8 milyon dollar, mayda 300,3 milyon dollar alınmışdı.
İqtisadçı Qubad İbadoğlu belə yazır ki, son aylar manatın dollara nəzərən məzənnəsində sabitlik hökm sürsə də, bu, inzibati xarakter daşıyır: “Dollara tələbat və onun satışı müntəzəm artır. Manat yenə çətin durumdadır. Dövlət Neft Fondu bu ilin iyununda valyuta hərraclarında 373,2 milyon dollarlıq vəsait satıb. Aprel ayında bu göstərici 220 milyon, may ayında 303,3 milyon dollar olmuşdu. Bu o deməkdir ki, valyutaya tələbat dinamikası müsbətdir və artım davam edəcək, nəticədə manat yenə də devalvasiya uğrayacaq. İqtisadiyyatın sadə tələb və təklif qanunu bu məntiqi sübut etmək üçün yetərlidir”.
2015-2016-cı illər ərzində dollar 1 manata qədər bahalaşıb. 2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165, fevralda 1,92, martda 1,7563, apreldə 1,7244, mayda 1,7026, iyunda 1,7023 manat olub.
