6 ayın hərbi itkiləri
Xəzər Hərbi Tədqiqatlar İnstitutu Azərbaycanın təhlükəsizlik və müdafiə sektorunun 2017-ci ilin yanvar-iyun aylarında verdiyi itkilərlə bağlı məlumat yayıb. Bildirilir ki, 6 ayda Silahlı Qüvvələrin 16 hərbi qulluqçusu cəbhə xəttində Ermənistan tərəfinin açdığı atəş nəticəsində həlak olub.
3 hərbçinin xəstəlikdən öldüyü, 4 nəfərin intihar etdiyi, 2 nəfərin bədbəxt hadisə nəticəsində həyatını itirdiyi qeyd olunur.
Xəzər Hərbi Tədqiqatlar İnstitutu 3 nəfərin əsgər yoldaşının açdığı atəş nəticəsində öldüyünü qeyd edir. 7 nəfərin nədən öldüyü bilinmir.
6 ayda hərbi məsələlər səbəbindən azı 5 dinc sakinin həlak olduğu xəbər verilir. Qeyd olunur ki, onların 1-i mina partlayışında həyatını itirib, 4 nəfərin ölümünün səbəbi barədə bilgi yoxdur.
