Dövlət büdcəsi yeniləndi
Milli Məclisin 30 iyun iclasında 2017-ci ilin dövlət büdcəsinə dəyişikliklər edilib. AZƏRTAC-ın məlumatına görə, dövlət büdcəsinin xərcləri 1 milyard 41 milyon manat artırılaraq 17 milyard 941 milyon manata çatdırılıb, bu da 2017-ci il üçün təsdiq edilmiş xərclərə nisbətən 6,2 faiz çoxdur.
Yenilənmiş dövlət büdcəsinin gəlirləri gözlənən ümumi daxili məhsulun 25,2 faizini təşkil etməklə mütləq ifadədə 16 milyard 766 milyon manat proqnozlaşdırılır. Bunun 2017-ci ilin təsdiq olunmuş proqnozu ilə müqayisədə 511 milyon manat və ya 3,1 faiz çox olduğu bildirilir.
