Əhali və maliyyə göstəriciləri
2017-ci ilin yanvar-aprel aylarında əhalinin sayı 26,7 min nəfər və ya 0,3 faiz artaraq mayın 1-nə 9 milyon 836,7 min nəfər olub. Dövlət Statistika Komitəsi bildirir ki, 2016-cı ilin müvafiq dövrü ilə müqayisədə yanvar-may aylarında əhalinin gəlirləri nominal ifadədə 7,3 faiz artaraq 18 milyard 613,9 milyon manata çatıb.
Novator.az-ın məlumatına görə, rəsmi hesabatda qeyd edilir ki, yanvar-may aylarında dövlət büdcəsinə 6 milyard 335,7 milyon manat vəsait daxil olub, büdcədən 6 milyard 724,1 milyon manat vəsait xərclənib, 388,4 milyon manatlıq kəsir yaranıb.
2017-ci il may ayının 1-nə ölkənin bank və bank olmayan kredit təşkilatlarının kredit portfeli milli valyuta ekvivalentində 15 milyard 453,5 milyon manat təşkil edib. Kredit portfeli 2016-cı il may ayının 1-i ilə müqayisədə 17,6 faiz azalıb. Ödəmə vaxtı keçmiş kreditlərin məbləği ümumi kredit portfelinin 10,3 faizinə bərabər olub.
Əhalinin banklardakı əmanətlərinin milli valyuta ekvivalentində məbləği 2017-ci il may ayının 1-nə 6 milyard 873,2 milyon manat təşkil edib.
