Rauf Əliyev vəfat edib
Bəstəkar, əməkdar incəsənət xadimi Rauf Əliyev vəfat edib.
Rauf Tofiq oğlu Əliyev 1947-ci ildə Şuşada anadan olub. Bakı Musiqi Texnikumunu və Azərbaycan Dövlət Konservatoriyasını bitirib.
1973-cü ildən Dövlət Televiziya və Radio Verilişləri Komitəsində, 1975-ci ildən “Azərbaycanfilm” kinostudiyasında musiqi redaktoru kimi fəaliyyət göstərib. Bədii filmlərə və cizgi filmlərinə musiqi bəstələyib, mahnı və romanslar müəllifidir.
2007-ci ildən Azərbaycan Bəstəkarlar İttifaqının Şuşa Bəstəkarlar Təşkilatının sədri vəzifəsində çalışıb.
Allah rəhmət eləsin!
