Büdcənin icrası: 147,3 milyon manat artıqlıq yaranıb
Prezident İlham Əliyev 2016-cı ilin dövlət büdcəsinin icrası haqqında qanunu imzalayıb. Qanuna Milli Məclis 31 may iclasında səs vermişdi.
Novator.az bildirir ki, 2016-cı ildə dövlət büdcəsinin gəlirləri 16 milyard 822 milyon manat proqnoza qarşı 17 milyard 505,7 milyon manat (104,1 faiz) icra edilib. Dövlət büdcəsi gəlirlərinin 47,3 faizi qeyri-neft sektorundan gəlirlər olub.
Xərclər 18 milyard 495 milyon manat proqnoza qarşı 17 milyard 751,3 milyon manat (96 faiz) icra olunub. Dövlət büdcəsi xərclərinin 65,9 faizi cari xərclərə, 24,1 faizi əsaslı xərclərə, 10 faizi dövlət borcuna və öhdəliklərinə xidmətlə bağlı xərclərə yönəldilib.
İcmal büdcənin gəlirləri 15 milyard 738,9 milyon manat proqnoza qarşı 21 milyard 573 milyon manat (137,1 faiz), xərcləri isə 24 milyard 566,7 milyon manat proqnoza qarşı 21 milyard 425,7 milyon manat (87,2 faiz) icra olunub, 147,3 milyon manat artıqlıq yaranıb.
